هاااي
والله الموضوع الصراحة مررره حلو و مرررره صح
انا عن نفسي اشوف انو الشي دا صح مافي قصة حب انتهت بشي صحيح ولا حتى بسعاده الا يمكن 20% من العلاقات
بس لييه ..؟
دا الشي انا اعتقد (( طبعا اول واخير التوفيق من الله )) اعتقد انو الي يحكمو طبيعة الاتنين الي يحبو بعض وبيئتهم يعني
حسب العائلة الي هما ينتمو ليها وحسب تفكيرهم في الحب من حيث انو سلبي او ايجابي وحسب تطلعاتهم للشي المستقبلي الي يربط بينهم
ومن الممكن تنجح العلاقة سنة سنتين تنتهي بزواج وبعدها تنقلب (( رأسا على عقب )) بمعنى حرفي
السبب التخطيط السئ من البداية يعني كان حب مبني على رومنسية (( مراهقة )) ... او كان حب مبني على علاقات من الي انتو عارفينها وانتهى بزواج اصلاح غلط ** سامحوني ع التعبير **
وممكن يكون حب اصلن غلط من بدايتو الي هوا حب يكون اول حب ولااحد يقول اول حب هوا الصادق لا الحب الصادق هوا الي يحددو الطرفين من تعاملهم
ولا اول نظرة اعجاب معناها حب لا بالعكس العين بحر ولو دا الشي صح كان كل الناس تحب بعضها دحين
و ممكن تكون علاقة عفويه اصلن مع عدم وجود حب ولكن في اعتقادهم انو الحب موجود
وبالنسبة انو حزن او لا امم اعتقد برضو حسب العلاقة الموجوده وكيف حتنتهي والشي دا المفروض ما يكون في
لانو ازا اتنين حبو بعض وسابو بعضهم ما انتهت الدنيا عارف انو صعب الفراق وانا مجرب بس برضو ما انتهت الدنيا حتقولو ما راح ننسى الي فات !! مستحيل تنسو الي فات بس الحاضر اولى من الي فات والمستقبل يستحق الاهتمام بيه
وممكن تعيش مره ومرتين وتلاتة بس ايت الي تكون نهايتها او عمقها سعيد طبعا كلها بس الصح انو ايت الي تمشي صح وتنتهي صح سواءا انتهت بفراق او بغير كدا الكلام انو ايت الي يمشوها الاتنين صح
والسعاده في الحب اعتقد انو لما تكون مبنية على حب الاخلاق وحب النفس الي في الشخص المحبوب
وحب طباعو وحب اهتمامو بالطرف الاخر بشرط ان تكون متبادلة من الطرفين
حب ما هو مبني على علاقات سيئة .. حب ماهو مبني على تفكير سئ .. حب ماهو بالغصيبة وبدون فهم الطرفين لبعضهم
حب عفوي !!!
وانا اشوف انو احلى حاجة لما الطرفين يخرجو بعضهم من الهموم ويفرحو لبعضهم بس بصدق
يخافو على بعضهم والسعاده في الحب عامة (((( ان يخاف الطرفين الله في نفسيهما )))) وصدقوني انشالله النهاية سامية وسعيده
وما ابغى اطول لانو مررره اتفلسفت ههههه
ثانكس ع الموضوع
المشرف العام emo..kid